Begoña Tolosaren arabera, "egindako lan onaren fruitu" dira atzoko emaitzak: "Herriak lan ona egiten denean, hori baloratu eta eskertu egiten du. Historikoki erakutsi dugu alderdi serio bat garela, konprometitua gure herriarekin". Alderdiak jarritako helburuak bete dituela esan du tolosarrak, 6 diputatu eskuratuta: "100.000 bozka gehiago batu ditugu, eta Araban berriro buru izatea lortu dugu". Era berean, alderdi abertzaleek erakutsitako indarra, eta irabazi izanari ere garrantzi handia ematen dio EAJko Tolosako ordezkariak.
Udal hauteskundeei dagokionez, "oso desberdinak" direla esan du. "Herriko hauteskundeetan botoa pertsonalagoa da, eta ez hain alderdikoa", dio.
