Tolosaldean lehen indar moduan egonkortu direla adierazi du, eta maiatzeko hauteskundeei begira, mugarri "polita" jarri dutela. "HIlabete baten epean bi hauteskunde egonda, emaitza positiboak izateak indarra ematen du. Goranzko joera nabarmena nabari da, eta maiatzerako oso egoera onean jartzen gaitu".
Igoeraren zergatiaz galdetuta, alderdiak bere lekua hartzen jakin duela dio. "Garbi izan genuen hasieratik ezin genuela bakarrik egin bidea, ezkerreko subiranistekin egin behar genuela, eta horrek lagundu digu kokatzen. Madrilen 19 diputaturekin egotea oso emaitza positiboa da, eta erabakigarri izateko aukera gehiago ditugu".
19 horietatik, lau EH Bilduk lortutakoak dira, eta horietako bat, Arabakoa, Javier Maroto (PP) kanpoan utziz: "Oso adierazgarria izan da, PPn hain kargu altua duen pertsona izanik, hori ere oso pozgarri egin zaigu", azaldu du Maiozek.
