Zaldibiko Jaiak dendako arduraduna da Agustin Mujika Takolo. Milaka mozorro dituztela dendan dio, eta era guztietako osagaiak ere topa daitezke bertan. Pailazoarena, piratena, indioena edota bakeroena bezalako mozorroak mantentzen direla dio, baina, urtero berriak sartzen direla, batez ere, telebistako eta zinemako pertsonaienak.
"Aurtengoan, esaterako, 'La casa de papel' telesaileko lapurren mozorroa ari dira asko eskatzen, 80. hamarkadan oinarritutakoak ere bai, eta Disneykoak ere bai", dio. Horregatik, egunean egon behar dute, jendearen eskaria betetzeko. Eguraldiak ere eragiten duela mozorroa aukeratzerakoan dio: "eguraldi ona egiten ari da, eta jendeak mozorro arinak nahi ditu". Bestalde, txoko askotatik joaten dela jendea dendara aipatu du, baina, bereziki Tolosaldetik, eta askok uzten duela bezperarako mozorroaren bila joatearena. Mujika bera inauterizalea da, eta aurten ere ez du hutsik egingo Tolosako inauterietan, hori bai, jantziko duen mozorroa sorpresa dela esan du.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!