Aurten Aiztondo bailarako herrietako 125 neska-mutilek parte hartuko dute, eskuz zein palaz ospatuko den topaketan. Datorren asteburuan hasiko dira, eta astero partiduak izango dira, Aiztondo bailara osatzen duten sei herrietan. Finalak, aurten, Larraulen jokatuko dituzte, apirilaren 13an.
Partidak honako herri, egun eta ordutegietan jokatuko dituzte: Alkizan, igandetan, 10:00etan hasita; Adunan, ostiraletan, 19:00etan hasita; Asteasun, ostegunetan, 17:00etan hasita; Larraulen, ostiraletan, 18:00etan hasita; Amasa-Villabonan, ostiraletan, Amasako frontoian, 18:00etan hasita; eta, Zizurkilen, ostiraletan, 18:00etan hasita.
Beste urte batez, Aiztondo bailarako herrietako pilota klubek antolatuta, eta Aiztondo Mankomunitatearen eta Villabona eta Asteasuko udalen babes ekonomikoarekin, egingo dute XXII. Aiztondo Pilota Topaketa.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!