"Herri oso baten aurkako epaiketa da"

Kataluniako politikari eta gizarte mugimenduetako buruzagi independentisten aurkako epaiketaren harira, Gure Esku Dagok elkarretaratzeak deitu ditu. Eskualdean, 19:00etan egingo dira Tolosan, Ibarran eta Zizurkilen, eta 19:30ean Anoetan. Jone Amonarriz Gure Esku Dagoren bozeramailearen ustez, "oinarrizko eskubideak daude jokoan".

Pasa den larunbatean Tolosan egindako agerraldian bost urteko zikloa itxi eta fase berri bati ekingo diola azaldu zuen ekimenak. Amonarrizek adierazi digunez, "harro" daude bost urte hauek emandakoarekin, "oinarri bat sortu delako pauso berriak emateko". Etapa berriaren inguruan "ibilbidearen jarraipena" izango dela esan digu, eta Gure Esku Dagoren nahia "berriro ere ilusio piztea eta dena posible dela adieraztea" dela zehaztu du.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!