«Amparo arreba eraman zutenean, senitartekoak Tolosara gerturatu ginen, jakin nahian. Etxe atarian, ordea, guardia zibilak nituen zain. Pentsa nola geratu zen gure ama, hiru seme-alaba aldi berean atxilotuta»
«Libre utzi ninduten eta, hurrengo egunean, Tolosan atxilotuta zeuden anai-arreben inguruan galdezka hasi eta, jakin genuen, Amparo Iruñera eraman zutela, erietxera. Tarte batean ikusi ahal izan genuen. Txikituta zegoen»
«Arrebak baino okerrago pasatu zuen nire anaia Pakok. Hiru egun egin zituen Tolosako kuartelean. Bainera, kirofanoa eta beste hainbat tortura egin zizkioten. Lehertuta utzi zuten»
«Duela 44 urte justizian ezin genuen sinistu, baina, ikaragarria iruditzen zait, hainbeste urte pasa ondoren, torturatzaileak hain babestuta ikustea»
«Amparo egin zen ezaguna, baina nire anaiak hiru egun horietan pasatu zuena izugarria izan zen. Txikituta utzi eta gero, Amparoren argazkiak erakutsi zizkioten: 'Ikusten nola geratu den zure arreba? Zure erruagatik izan da', esan zioten»
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!