«1976ko apirilaren 21ean atxilotu ninduten. Jendea izututa bizi zen, beldurrez josia. Dena galarazita zegoen, baita arnasa hartzea ere»
«Gu, Euskal Herriaren eskubideen alde, langileen eskubideen alde eta diktaduraren kontra borrokatzen ginen. Justizia besterik ez genuen eskatzen»
«Etxetik Leitzako kuartelera eraman ninduten oinez, eskuburdinak jarrita, ordu txikitan. Ez zait sekula ahaztuko, une hartan kalean zegoen isiltasuna»
«Hurrengo egunean Amparo Arangoa eta biok eraman gintuzten, Tolosako kuartelera. Ikusi ez nuen egiten baina Amparoren garrasi izugarri horiek entzuten nituen. Betirako eramango ditut nirekin, barrenean, oihu horiek»
«Nire kidea nola geratu zen ikustera eraman ninduten. Amparo ikusi nuen lurrean botata, hilda bezala, mugitzen ez zela»
«Baineran biluzik jarri ninduten. Zikin zikina zegoen, laranja eta platano azalak ikusten ziren eta pertsonen kalparrak ere bai, bainera ertzean»
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!