Altuna III-Martijak bosgarren garaipena lortu dute asteburuan, Victor-Aretxabaletari 22-14 irabazita. Ligaxka amaitzeko hiru jardunaldiren faltan, 5-6ko balantzearekin daude.
Artola-Mariezkurrenak, aldiz, galdu egin zuten larunbatean Labriten: 15-22. Irribarria-Zabaleta gehiago izan ziren partidaren bigarren zatian. Sailkapenean alegiarra eta bere bikotea 6-5eko balantzearekin geratu dira.
Hamabigarren jardunaldian Altuna III-Martijak Elezkano II-Rezustaren aurka jokatuko dute Labriten, larunbatean. Artola-Mariezkurrena II.aren aurkariak, berriz, Olaizola II-Albisu izango dira.
Altuna III vs. Artola, Tolosan
Azken aurreko jardunaldian eskualdeko bi pilotariek elkarren aurka jokatuko dute. Erabakigarria izan daitekeen partida Tolosako Beotibar pilotalekuan jokatuko da otsailaren 17an. 17:00etan hasiko den jaialdirako sarrerak internet bidez salgai jarri dituzte.