Hiru aste lehenago Zornotzako Krosean ere garaipena lortu zuen Del Pozok. Alegiarrak 13:55ko marka egin zuen Donostiakoan, eta hamar segundoko aldea atera zion bigarrenari.
Hipodromoan jokatzen den krosean Tolosa CFko beste hainbat partaide izan ziren eta zenbaitek postu esanguratsuak lortu zituzten. Unai Señoranek M-40 mailan bigarren postua lortu zuen, eta hirugarrena izan zen Sergio Roman maila horretan. Aitor Regillagak ere hirugarren postua lortu zuen, kasu honetan M-35 mailan. Bestalde, 16 urte azpikoetan, Fermin Alonsok eta Ibone Ezeizabarrenak laugarren postua lortu zuten. Urko Odriozolak zazpigarren postua lortu zuen 20 urte azpikoetan.
Datorren asteburuan Kroseko Euskadiko Txapelketa izango da jokoan, eta bertan parte hartuko dute Tolosa CFko korrikalariek.
