Larrarte eta Ana Usabiaga ziren faboritoak lehen postua eskuratzeko eta azkenean tolosarrarentzat izan da. Norgehiagoka estua izan zuten bi txirrindularien artean. Usabiaga indartsu hasi zen, scratchean zein Tempo Race probak irabaziz, eta Larrartek bigarren eginez. Kanporaketa proba tolosarrarentzat izan zen, eta hor Usabiagak puntu garrantzitsuak galdu zituen laugarren egin baitzuen. Puntuazio proban Usabiaga lurrera erori zen, eta Larrartek urrea eskuratu zuen.
Espainiako Kopan eta junior mailan, Naia Amondarain ibartarra gailendu zen, kanporaketan eta puntuazio probetan irabazi eta gero.