Giro hotz eta lasaia egunaren hasieran

Giro hotz eta lasaiarekin emango diogu hasiera egunari, baina, orduek aurrera egin ahala, kaxkartzera egingo du. Arratsalde erditik aurrera, ipar mendebaldeko haizearekin hodeiak nagusituko dira, eta azken orduan euria egin dezake. Lehen zaparradak 500 metroan elurretan botako ditu, baina, elur maiala igoz joango da. Larunbatean ipar mendebaldeko haizea nagusituko da egun osoan. Tenperaturak zertxobait igoko dira, elurraren mailak gora egingo du, eta tarteka zaparrada ahulak izango ditugu. Igandean jarraipena izango du eguraldi horrek, zeru estaliarekin, eta euriarekin. Zerua estalita izango dugu egun osoan, eta tenperaturak zertxobait gora egingo du, 9-10 gradura. Astelehenean giro triste honek jarraipena izango du. Giro bustia izango da, tarteka zaparradekin. Hortik aurrera, bi edo hiru egunetan eguraldia lasaiagoa izango dugu, tenperatura hotzekin, eta hortik aurrera, astearen amaiera alderako borraska sakon batek euri gehiago eta tenperatura hotzagoak ekarriko dituela dirudi.

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!