SOS Deiakek jakinarazi duenez, larrialdi zerbitzuak 14:00ak aldean arrastoa galdu duten hegazkin baten bila ari dira Zelatun inguruan. Ertzaintzak Urola Kostako Hitza-ri adierazi dionez, hegazkina erori izanaren bi zantzu dituzte: batetik, Hondarribiko (Gipuzkoa) aireportuan hegazkinaren seinalea galdu dute; bestetik, berriz, baserritar batek larrialdietara deitu du hegazkin baten motorra gelditu egin dela sumatu duelako.
Baieztatu dutenez, Portugaldik zetorren hegazkina, baina Bilbotik Donostiara burutzen ari zen ibilbidea, eta Hernio puntan harkaitza jo du. SOS Deiaken arabera, hegazkina partikularra zen, eta bi lagun zihoazen bertan. Horietako bat hilda aurkitu dute. Une honetan, erreskate taldeko kideek bigarren kidearen bila jarraitzen dute Hernio eta Zelatun inguruetan.
Tolosaldeko Ataria-k jakinarazi duenez, Zelatun eta Hernio artean hegazkinaren zatiak aurkitu dituzte. Hernio gainean, berriz, hegazkinaren zati nagusia kiskalita aurkitu dute. Bilaketa lanak bertan behera utzi behar izan dituzte, ilundu duelako. Bihar jarraituko dute erreskatearekin, bigarren kidearen gorpuaren bila. Jendea bertara ez gerturatzea eskatu dute.
Erreskate-taldeek hegazkin arinaren bigarren bidaiariaren bila jarraitzen dute #txori
— SOS Deiak - 112 (@112_SOSDeiak) 2019(e)ko urtarrilaren 9(a)
__
Equipos de rescate continúan con las labores de búsqueda del segundo tripulante de la avioneta pic.twitter.com/saKycEPLDs