Pentsio justu eta duinen aldeko aldarrikapenak egin dituzte, bizi duten egoera salatu asmoz. Tartean, Tolosako Harizpe eta Iturritza elkarteko kideak, Amarotz auzoko Beti gazteak elkartekoak eta Ibarrako Bizi-nahi elkarteko kideak izan dira.
Dozenaka erretirodunek hartu dute parte gaur egin den mobilizazio jendetsuan. Gainera, bertaratu direnei, Oneka plataformak antolatu duen Isabel Otxoaren 'Emakumeak eta Pentsioak' hitzaldirako gonbidapena luzatu diete. Hitzaldia etzi izango da, arratsaldeko 18:00etan, Donostiako Koldo Mitxelena Kultur-zentroan. Aurkezle lanetan, gainera, Nekane Berriotxoa tolosarra arituko da.
