'Arria V.a', Urrezko Aizkolarien Koparen finalean

'Arria V.a', Urrezko Aizkolarien Koparen finalean

Herri kirolen saio erakargarria izango da abenduaren 31n, Asteasuko frontoian, 17:00etatik aurrera. Aizkolariak, harri-jasotzaileak eta ingude altxatzaileak ariko dira lehian.

Batetik, Urrezko Aizkolarien Koparen finala jokatuko da. Ibarran bizi den Xabier Orbegozo Arria V.a izango da bertan, eta aurkari Mikel Larrañaga eta Iñaki Azurmendi izango ditu.

Mikel Larrañagak, Joseba Otaegi zizurkildarra utzi behar izan zuen bidean finalean sartzeko. Arria V.a-k, berriz, aurrena Jon Irazu zizurkildarra menperatu zuen, eta ondoren, Jon Rekondo. Iñaki Azurmendik, berriz, finalean egon ahal izateko Eneko Otaño utzi behar izan zuen bazterrean. Asteasun bakoitzak 16 kana erdiko ebaki beharko ditu.

Bestetik, Gabonetako Harri-jasotze Sarian Xabier Peña, Inhar Urruzuno eta Imanol Albizu Goikoetxe izango dira lehian. 100 kiloko zilindro zaharra, 100 kiloko kubikoa eta 100 kiloko bola erabiliko dituzte. Azkenik, Gabonetako Emakumeen Ingude Kopan, Maika Aristegi, Virginia Finol eta Karmele Gisasola ariko dira nor baino nor.

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!