Azaroaren 24ko saioan nerabeekin batera zaletasunen lanketarekin jarraitzeko oraingoan Zozongo perkusio taldearen laguntza izango dute bost gaztelekuek. Musika, erritmoa, umorea eta dantzaz baliatuz nerabeekin izaera sortzailea sustatu nahi da. Ekitaldian parte hartzen duten nerabeek, beste herrietako gazteak ezagutzeko aukera izateaz gain, Zozongo taldearen energia, dantza eta mugimenduarekin gozatuko dute.
Hala, nerabeen parte hartzea bultzatu eta euren behar zehatzagoak ezagutuko dira. Bide batez, nerabeekin eta nerabeentzat aisialdirako proposamen berritzailea diseinatu nahi da. Eta aurrerago, asmoa da prozesuan parte hartzen duten gaztelekuetako eskaintza behar horietara moldatzea.
Zaletu, 16 eta 18 urte bitarteko gazteen zaletasunak garatzeko proiektu berritzailea, bere bidea egiten ari da. Urrian eta azaroan Tolosan, Amezketan, Ibarran, Eibarren eta Donostian gazteei proiektua aurkezteko saioak antolatu ondoren, azaroaren 24rako ekitaldi bat antolatu da Tolosako Box-A elkartean.
Erlazionatuak
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!