Gipuzkoako Foru Aldundiaren aurrean Tolosaldeko autobus zerbitzu publiko duin baten alde, 'Garraio publikoa defenda dezagun' lelopean, elkarretaratzea egin dute. Eskualdeko 20 alkatek egindako deiari erantzunez, hainbat herritar Donostiara joan dira autobus zerbitzua «bere osotasunean» martxan jartzeko eskatzera.
Herritarrekin batera, hainbat udal ordezkari ere elkarretaratzean izan dira. Tolosaldea Bus enpresako langileek bederatzi hilabete daramatzate greban, lan baldintza duinagoak aldarrikatuz.
Hilabete guzti horietan eskualdeko erabiltzaileek jasaten ari direna ere salatu nahi izan dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!