Hiru bidaia esperientzia, zein baino zein ezberdinagoak

Iñigo Terradillos 2018ko ira. 18a, 13:45

Ataria Irratiko 'Pasahitza' saioan bidaiatzeko modu ezberdinak ezagutu ditugu. Idoia Aiestaran eta Leire Olano Suitzako Alpeetan dira. Amaia Segurola Senegalen izan da, eta Julen Telleriarekin Indonesian bizi izan zuten lurrikaraz hitz egin dugu.

1. WORK AWAY

Suitzako Alpeetan daude Idoia Aiestaran tolosarra eta Leire Olano asteasuarra. Unibertsitate ikasketak bukatu berri dituzte, eta iraila aisirako gorde nahi izan dute. Era berezian ari dira oporraldia egiten. Izan ere, lagun batek gomendatuta, Alpeetan daude, bertako aterpetxe batean, eta goizetan lanean aritzearen truke doan egiten dute lo. Nolako esperientzia izaten ari den kontatu digute.

2. BERTAKO GIDA EZAGUN BAT

Amaia Segurola tolosarra Senegalen izan da uda honetan, bere bikote eta haren arrebarekin, eta eurekin gida berezi bat izan dute, Tolosan bizi den Baba Lo senegaldarra. Afrikako lurraldean igarotako egunak nolakoak izan diren kontatu digu.

3. LURRIKARA INDONESIAN

Indonesian izan dira eztei bidaian Tolosaldeko Atariako langile Itzea Urkizu eta ETBko eta Gaztea irratiko aurkezle Julen Telleria. Azken honek kontatu digu, lurrikararen ezustekoa tarteko, nolako bidaia izan zen.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!