Lekunberri eta Andoain arteko 42 kilometroak 02:50:05eko denboran egin zituen Iban Iriarte Argaia ibartarrak. Ia minutu bateko aldea atera zion bigarren izan zen Ivan Piñon Ruizi (02:51:04). Sergio Uzkudun Merino sailkatu zen hirugarren postuan, 02:52:42ko denbora eginda.
Ibilbidearen erdian, 21. kilometroko tarteko helmugan, ibartarrak 47 segundoko aldea ateratzen zion Piñoni. 01:25:14ko denbora egin zuen Iriartek puntu horretan.
Leitzan hasiera eman zitzaion maratoi erdian, berriz, Tolosa Atletismo taldeko Oiana Ortiz izan zen garaile. Alde handiarekin gainera. 26 kilometroak 01:46:05eko denboran osatu zituen tolosarrak, bigarren sailkatu zen Begoña Julian Fuentesek baino ia bost minutu azkarrago (01:51:03). Lide Azkuek osatu zuen podiuma, 01:57:21eko denborarekin.
Garaipenaz gain, Ortizek orain arteko marka hobetzea lortu zuen. Amaia Izarena zen orain artekoa, joan den urtean 01:51:26an egin zuen lasterketa.
