Harreraren aurretik, ospakizuna

Tolosaldeko Arraun Klubeko emakumezkoen traineruak, harrera jaso zuen, atzo arratsaldean, Tolosako udaletxean. Lehenik, baina, bazkaria egin zuten, eta bertan hasi ziren ospakizunetan, kalejiran irten aurretik.

Ez da makala izan aurtengo denboraldia. Estrainekoz trainerua atera, eta estrainekoz bi sari handi irabazi. Pasaiako bandera eta Kontxako Bandera jokatzeko sailkapena. Azken aste hauek emozio handikoak izan dira klubeko kideentzat, eta batez ere, arraunlarientzat. Atzo, beraz, ospakizunerako hartu zuten tartea, eta arratsaldean, mahaiaren bueltan bazkaltzeko eseri ondoren, oparien txanda heldu zen.

Lehenik, eskualdeko zenbait herritarrek zorionduz eta animoak emanez grabatutako mezuekin, bideo bat osatu zuten, arraunlariei eskainia. Ondoren, berriz, bakoitzari argazki bat oparitu zioten, hain justu, Pasaiako estropadakoa. Argazkiaren atzean, gainera, bertsoak zeuden idatzita, eta guztiek batera abestu zituzten gero. Kalean txaranga bertara joan ondoren, sekulako giroa jarri zuen, arraunlarien gozamenerako. Ondoren, berriz, kalera irten ziren, udaletxera heldu arte.

 

Erlazionatuak

«Zorionak eta eskerrik asko eskualde osoaren izenean»

Tolosaldea

Tolosako kaleetan kalejira egin ondoren, Plaza Zaharrean zuten hitzordua Tolosaldea Arraun Klubeko neskek. Bertan, eskualdeko zenbait udaletako ord...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!