ataria.eus

Ane Iturria garaile; Oihana Zubillaga, bigarren

kirola  Anoeta  Orendain  Tolosa

Mikel Garmendia orendaindarraren omenezko Axari Trail lasterketako proba motza irabazi du tolosarrak, Idiazabalen. Bigarren Oihana Zubillaga anoetarra izan da, bost minutu t'erdira.

Ane Iturria garaile; Oihana Zubillaga, bigarren
Argazkiak: Axari Trail | Ikusi handiago | Argazki originala

16 kilometro egin behar izan zituzten ibilbide motza egin zutenek, eta emakumeen artean Ane Iturria tolosarra izan zen azkarrena. 1:37:57 behar izan zituen helmugara iristeko. Bigarren izan zen Oihana Zubillaga anoetarrak 1:43:25eko denbora egin zuen. Ane Eizagirre zumaiarrak osatu zuen podiuma, ia minutu batera.

Kadete mailako sailkapena ere irabazi zuen Iturriak. Maila horretan bigarren, berriz, Irene Iturria, Aneren ahizpa, izan zen, 01:47:41ko denbora eginda eta sailkapen nagusian bosgarren eginda.

Mutiletan azkarrena Iñigo Arias bilbotarra izan zen, 1:22:01eko denbora eginda.

25 kilometro pasatxoko proba luzean, berriz, Ander Iñarra eta Oihana Azkorbebeitia izan ziren txapeldunak. Eskualdeko lehena Jexux Iturria izan zen, beteranoen mailan laugarren eginez.

Argazki gehiago, Goierriko Hitzan

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa