Donostiako portua Tolosako Plaza Zaharra bihurtu dutenekoa

Eskualdeko neskek, jauzi eta algaraka, gaur jokatu duten Kontxako Banderaren lehen estropada ospatu dute, emaitza alde batera utzita. Tolosako Kalean txarangak jarri du musika, eta inauterietako kantuak jo dituzte, besteak beste.

Tolosaldea traineruko arraunlariek, estropada amaitu ostean, festaleku bikaina bihurtu dute Donostiako Aquarium ingurua. Sasikoipatsu edota Mugi, mugi doinuek Donostiako portua hartu dute gaur goizean. Gizonezkoen estropada jokatzeko minutu gutxi falta zirela, eskualdeko arraunlari eta zaleek aurreko minutuetan pilatutako tentsioa askatu ahal izan dute.

Arrapalatik igo eta ontzia utzi bitartean, kalejiran joan dira, gainontzeko arraun zaleen txalo artean. Ondoren, behin ontzia utzita, saltoka hasi eta kantuan ausartu dira klubeko kideak. "TAK, TAK, Tolosaldetik etorri gara, estropada irabaztera" edota "Enbata, gure Enbata, Euskal Herriko onena da (e)ta" oihukatuz aritu dira neskak.

 

Erlazionatuak

Festa hasi besterik ez da egin

Tolosaldea

Tolosaldea zortzigarren izan da XI. Emakumezkoen Kontxako Banderaren lehenengo jardunaldian, San Juan irabazlearengandik 34 segundora. Uretan gerta...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!