Tolosaldea traineruari ordu erdi eskas geratzen zaio ametsa egi bihurtzeko. 17:30ean hasiko da erlojupeko saioa, eta eskualdeko neskak bederatzigarrenak izango dira irteeran. Sartzeko aukera apurrak dituzte, adituen ustez, bost ontziren artean egongo baitira azken bi postuak. Beraz, horiek aprobetxatzera irtengo dira. 17:38 aldera irtengo dira, eta arratsaldeko 18:00etarako jakingo da barruan ala kanpoan izango den.
Eskualdeko ontziko kideek, Jose Luis Perez Koteli entrenatzailearen azken animoak jaso, eta beroketa lanei ekin diete. Ondoren, ontzia gainean hartu eta uretara irten dira. Hemendik aurrerakoa, euren esku dago.
