K Pilota txakolinaren 600 botila zeuden atzo jokoan Donostiako Atano III pilotalekuan, eta azken unera arte ez zen erabaki Aspeko ala Asegarceko pilotariek eramango zuten saria. Aspetik P. Etxeberria, Altuna III.a, Ezkurdia eta Elezkano II.a aritu dira, eta Asegarcetik Peña II.a, Artola, Olaizola II.a eta Victor.
Lau eta erdikoan P. Etxeberriak 22-10 irabazi zion Peña II.a tolosarrari. Ondoren iritsi zen partida bereziena, lau aurrelari aritu baitziren binaka jolasten, Altuna-Ezkurdia eta Artola-Olaizola II.a. 22-12 irabazi zuten Asegarcekoek, eta banakoa lortu norgehiagokan. Azkenik buruz burukoa iritsi zen, eta hor Elezkanok 22-20 irabazi zion Victorri emozio handiko partidan.
Artolak eta Altunak udako torneoetan lehiatzen jarraituko dute.