N-1 errepideko 431 eta 434 kilometro artean (Alegia-Tolosa artean) obrak direla eta, 433 kilometroko sarrera nahiz irteera itxita daude Irungo noranzkoan. Atzo iluntzean hasi ziren lanak, eta bihar gaueko 21:00ak arte iraungo dute.
N-1 errepidean, obretan ari dira asteburu honetan. Zoruaren egitura konpontzen ari dira Gasteiz-Irun noranzkoan, hain justu, Alegia eta Tolosa artean. Hori dela eta, pasabideak egokitu dituzte noranzko horretako galtzadan, bi noranzkoko zirkulazioa ahalbidetuz. Gainera, Tolosa hegoaldeko irteera, eta baita sarrera ere, itxita daude.
Beraz, N-1 errepidera Tolosa hegoaldetik sartu nahi duenak, Alegiatik edota Tolosatik (Amarotz auzoa) egin beharko du. Ondo bidean, lanak bihar gauerako amaituko dituzte, eta ordurako, Gasteiz-Irun noranzkoko galtzada irekiko da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
