GipuzkoakoTxapelketaren lau t’erdiko finala asteburuan jokatu dute Altunak eta Zubeldiak, lehen mailako kadeteetan. Partida ostiralean izan zen, Zumaiako pilotalekuan. Tolosa CF Aurrerako Altunak 22-19 irabazi zion Intxurreko Zubeldiari.
Partida oso gogorra jokatu zuten eskualdeko bi pilotariek, markagailuak erakusten duen bezala. Lehen tantoetan Altuna aurreratu zen, baina Zubeldiak ez zion hain erraz ihes egiten utzi nahi, eta partida orekatzea lortu zuen.
Azken tantoetan lehia gogorra izan ondoren, Altunak hiru tantoko aldeaz jantzi zuen txapela, final handi bat jokatu zuen Zubeldia gaindituta.