200 zale zurigorri bildu ziren Elgetan. Tolosako Kuadrilla Eguna medio, ez ziren zale asko gerturatu eskualdetik. Bertan zen, esaterako, Anjel Mari Peñagarikano, Tolosaldeko Lehoiak Peñako presidentea.
Oso gustura izan zirela aipatu dute. Jose Angel Iribar, Karmelo Cedrún edota Koikili Lertxundi jokalari ohien bisita izan zuten, eta eurekin argazkiak ateratzeko aukera ere izan zuten. Hamaiketakoa, kalejira eta bazkaria egin zituzten guztiek batera. Datorren urtean, Eibarren egingo dute kongresua.