Beñat Sarasolak, Tolosaldeko Gure Esku Dagoko kideak "pozik, lanak beteta" dagoela giza katearen biharamunean esan du, "hein batean, egin beharreko lanak ondo eginda". Tolosaldetik 40 autobus bete herritar antolatu zituzten, eta Euskal Herri osotik joandakoekin emaitza "ikaragarria" izan dela onartu du.
"Atzokoarekin herriak erakutsi du ziklo berri bati hasiera eman nahi zaiola", azaldu du Sarasolak. 2019ari dagokionez, erabakitzeko eskubidea gauzatzea giltza izango dela dio Gure Esku Dagok. "Erabakiak herriak hartu behar ditu, eta etorkizunean erabakitzeko eskubidea egunerokotasunean txertatu beharko litzatekeen gaia izan beharko luke".
Bestalde, Beñat Sarasolak ekimena aurrera ateratzeko laguntzeko prest egon diren ehunka herritarren laguntza esikertu du, "horiek gabe ezinezkoa baita horrelakoak aurrera ateratzea".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!