Norgehiagoka 12:00etan hasiko da, baina aurretik, bi herrietako gazteek osatutako bi taldek elkarren aurka jokatuko dute, 11:15ean. Gorostidi eta Muñoa bertsolariak ere bertan izango dira, eta partida amaitutakoan Abaltzisketan bazkaria egingo dute guztiek batera.
Hurrengo egunean, hilaren 20an, Realaren Fundazioak bigarren urtez antolatu duen enpresen arteko txapelketan parte hartuko dute Abaltzisketako Logikalinek eta Anoetako Seyce-Lindek. Guztira 15 enpresa lehiatuko dira igandean, Zubietan.