Enirio-Aralar

Enirio-Doniturrieta proiektuari alegazioak aurkezteko aukera

Tolosaldeko Ataria 2018ko mai. 10a, 18:17

Aldundiaren Ekonomia Sustapeneko, Landa Inguruneko eta Lurralde Orekako Departamenduak iragarkia publikatu du maiatzaren 8ko Gipuzkoako Aldizkari Ofizialean, eta horren bidez informazio publikoan jarri ditu Eniriotik Igaratzako txaboletara doan bidea motordun ibilgailuentzat egokitzeko proiektua eta horren ingurumen inpaktuaren azterketa. Pista hori Enirio-Doniturrieta artekoa bezala ezagutzen da.

Informazio publikoan hogeita hamar lanegunez jarri da, iragarkia argitaratu eta biharamunetik zenbatzen hasita, egoki iritzitako alegazioak aurkezteko. Alegazioak Gipuzkoako Foru Aldundiko Mendietako eta Natura Inguruneko Zuzendaritzan aurkeztu ahal izango dira.

Proiektua zein ingurumen inpaktuaren azterketa informazio publikoan jartzearen arrazoia Ingurumeneko zuzendariak hartutako erabakitik dator. Apirilaren 30ean argitaratutako erabaki horren arabera, ingurumen inpaktu ebaluazio arrunta aplikatu behar zaio proiektuari, eta ez sinplifikatua, hasiera batean egin zen moduan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!