Erraustegiaren kontrako elkarretaratzeak egin dituzte Iruran eta Villabonan

Tolosaldeko Ataria 2018ko api. 19a, 11:38

Erraustegiaren Aurkako Mugimenduak elkarretaratzeak antolatu zituen Gipuzkoako osasun etxeen parean, errausketak osasunarentzako dituen kalteez ohartarazteko. Erraustegiaren Aurkako Mugimenduak esan  uenez, guztira 650 pertsona bildu ziren elkarretaratze horietan.

Zubietako erraustegiaren aurkako elkarretaratzeak egin zituzten atzo arratsaldean Gipuzkoako hainbat herritako anbulatorioen atarian, Osasuna bermatu, erraustegia gelditu lelopean. Erraustegiko lanak «berehala gelditzea eta frogatuak dauden alternatiba merke eta osasuntsuak ezartzea» eskatu dute.

Eskualdean hiru lekutan zeuden deituta herritarrak: Iruran, Amasa-Villabonan eta Tolosan. 40 lagunetik gora izan ziren Villabonan. Iruran, berriz, 20 herritar baino gehiago. Tolosan, ez zuten elkarretaratzerik egin azkenean.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!