Eskualdeko beste hiru pilotari, Banakako Promozio Txapelketan

Asier Imaz 2018ko api. 12a, 10:32

Lehen Mailako Txapelketa atzo aurkeztu zuten bi enpresek Bilbon. Promozio Mailako pilotariak ere bertan izan ziren, hauen egutegia jakitera eman baitzuten aurkezpen ekitaldian.

Eskualdeko hiru ordezkari ariko dira bigarren mailako txapelaren bila: Jon Erasun, Jon Ander Peña eta Beñat Urretabizkaia.

Berezia izan da eskualdekoen kasua, zozketa egin gabe zuzenean jarri baitizkie enpresek partidak. Erasunek Agirreren aurka jokatuko du larunbatean Labriten, 17:00etatik aurrera. Zizurkildarrak irabaziz gero, final-laurdenetan Ugalde izango luke zain.

Peña II.ak eta Urretabizkaia II.ak ere larunbatean jokatuko dute, baina elkarren aurka. Partida Ikaztegietan izango da, eta jaialdia 17:30ean hasiko da. Aurrena herriko haurrak ariko dira pilotan. Ondoren afizionatuen mailako partida jokatuko dute Mozok eta Artolak lau t’erdian. Jaialdiko azkena izango da tolosarraren eta ikaztegietarraren artekoa. Garaileak, final-laurdenetan Peio Etxeberria izango du aurkari.

Finalerdiak maiatzaren 6an jokatuko dira, eta finala hilabete horren 19an.

Erlazionatuak

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!