Euri asko egin ari da gaurkoan, eta Euskalmeten iragarpen meteorologikoaren arabera, ez du etsiko. Ez behintzat biharko 12:00ak arte. Ordura arte aktibatu du Uholdeen Larrialdi Plan Bereziaren Alerta fasea Segurtasun Sailak.
Prezipitazioak iraunkorrak izaten ari dira, eta eragina izaten ari da eskualdean. Eskualdeko ibaiak, esaterako, gainezka datoz. Alegian, Oria ibaiak eta Amezketa errekak bat egiten duten lekuan, kirol eta kultur etxearen aurreko bulebarrean, urak gainezka egin du.
(Bideoa: Patxi Renobales)
Oria ibaia Alegi parean. 22:00tan. #euria #eguraldia #oria #alegia #gipuzkoa pic.twitter.com/H5scvWWQQi
— TX4RLi G. (@bedaio3000) 2018(e)ko apirilak 11
Tolosan ere Oria ibaiak gainezka egin du Kondeaneko Aldaparen hasiera puntuan. Tolosaldeko Arraun Klubaren instalazioetan ere sartu da ura, baina momentuz ez du kalterik eragin.
Oria ibaia pic.twitter.com/gO0Bi7BxXg
— Haritz Azurmendi (@hazarrue) 2018(e)ko apirilak 11
Zizurkilgo Elbarrena auzoa zeharkatzen duen Asteasu errekak ia gainezka egin du Aurrera plaza parean, Oria ibaian urak isuri aurretik. Amasa-Villabona parean ere Oria ibaiak gainezka egin du.
— Carmen Salido Sierra (@casal30570) 2018(e)ko apirilak 11
Hernialdeko bidegurutzean Oria ibaiak gainezka egin du eta Anoeta eta Tolosa arteko bidegorria urak hartu du.
Anoeta eta Tolosa arteko errepidea itxita Oria ibaiaren gainezkagatik! #uholde #uholdea @tolosaldeataria @berria @naiz_info @eitbAlbisteak pic.twitter.com/wNLqhlDjHS
— Mikel Arreseigor (@MikelArreseigor) 2018(e)ko apirilak 11
130 litro m2 18 ordutan botatzeak dakarrena.. tolosa-anoeta closed. @Euskalmet pic.twitter.com/UHyMaFduqF
— Joseba Usabiaga (@josebausa) 2018(e)ko apirilak 11
Tolosako Usabal industriagunean ere urak atera dira eta zenbait pabiloietan uholdeak izan dituzte. Suhiltzaileak aritu dira ura ateratzen.
#OlatzPeon: "Euri asko ari du gaur #Tolosa.n. Une honetan egoera kontrolpean dago. Puntu batzuetan ibaiak gainezka egin du, eta Udaltzaingoa eta Babes Zibila zaintza lanetan dira. Alerta naranjan gaude. Nire eskerrak lanean ari diren langile zein bolondres guztiei. Adi gaude" pic.twitter.com/q5sot39qb4
— Tolosako udala (@tolosaudala) 2018(e)ko apirilak 11
Eskualdeko estazio meteorologikoen datuei erreparatuta, azken orduetan Berastegin eta Bidania-Goiatzen izan da prezipitazio gehien: 116,2 l/m² eta 115,5 l/m² hurrenez hurren. Alegiako estazioa maila horira iritsi da, gaurko egunean zehar 47,2 l/m² ur bildu eta gero. Belauntzan, berriz, 53,7 l/m² euri egin du, Zizurkilen, 65,3 l/m² eta Urkizu auzoan 56,1 l/m².
Ibiur urtegiaren betetze maila ere %100,54ean dago, Gipuzkoako Ur Kontsortzioko datuen arabera.
Errepideetan ere eragina izan du euriteak: Bidania-Goiatz eta Tolosa arteko errepidea moztuta egon da, zuhaitz bat errepidera erori eta gero. Oso adi gidatzeko eskatu du Segurtasun Sailak, eta ezinbestekoa ez den kasuetan autoa ez hartzeko gomendatu du.
Tolosaldeako ibaiak oso hazita doaz eta okerrena arratsaldetik aurrera espero da. Etengabeko euri honi zaparradek hartuko duten indarra eta elur-mailaren igoera gehitu beharko zaizkio, non elurraren urtzeak ibaien igoera erraztuko duen. Kontuz!!
— Iker (@EtsiGabe) 2018(e)ko apirilak 11
Bihar eguerdiko 12:00ak arte alerta laranja ezarrita dago eurite iraunkorrengatik. Udalak herritarrei arduraz jokatzeko eskatu nahi die. pic.twitter.com/2BtYDRMnyd
— Alegiako Udala (@AlegiakoUdala) 2018(e)ko apirilak 11
