Osasun publikoaren afera

Manifestazio jendetsua osasun publikoaren alde

Manifestazio jendetsua osasun publikoaren alde

Kalitatezko osasunaren alde. Osasuna ez da negozioa leloarekin Tolosako kaleak zeharkatu zituen Asuncion klinikako langileek deitutako manifestazioak.

Plaza Zaharretik abiatu eta Emeterio Arrese parkean amaitu zen manifestazioa eta eskualdeko herritar askok egin zuten bat protestarekin. Manifestazioaren buruan Asuncion klinikako langileak joan ziren eta Jon Darpon osasun sailburua eta Jesus Gomez Montoya Invizako burua hartu zituzten bizi duten egoeraren erantzule.

2013tik ari dira euren lan baldintzak negoziatzen baina adostasunik ez dute lortu. Langileek salatu dutenez, geroz eta prekarioagoa da langileen egoera eta berehala eman nahi diote irtenbidea. Horretarako bi asteko epea eman diote klinikako zuzendaritzari negoziazio mahaia deitu dezan eta "behingoz seriotasunez" hizketan hasi dadin.

Erlazionatuak

Bi asteko ultimatuma eman diote Asuncion klinikako langileek zuzendaritzari

Tolosaldea

Asuncion klinikako langileek epea jarri diote Inviza enpresari negoziazio mahaia deitu dezan. Gaur, 18:00etan Plaza Zaharretik manifestazioa egingo...

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!