Sailkapen orokorreko hirugarren postuan amaitu du Tolosaldea IKTk Gipuzkoako Txapelketa. Gizonezkoen mailan bigarren izan da; eta emakumeen artean, berriz, hirugarren.
Bakarka ere emaitza onak lortu dituzte eskualdeko igerilariek. Aipagarrienen artean, estilo libreko 100 metrokoan eta 50 metrokoan Irati Arzalluzek lortutako markak: 59"9 eta 27"4. Maria Martinek eta Maddi Barriolak ere denbora onak egin dituzte 100 metroko lehian: 1:05.00. Hain zuzen, Martinek hirugarren egin zuen. Bestalde, 200 metrokoan ere maila handiko marka egitea lortu du Barriolak: 2:23.7.
Infantilen mailan, berriz, Eneko Garmendiak 400 metroko proban lortutako marka izan da aipagarriena: lehen postuan amaitu zuen, 4:13ko denborarekin. Datorren astean, Euskal Herriko Txapelketa jokatuko dute.
