Beñat Sainz eta Unai Ibarzabal, Gipuzkoako Mus Txapelketako txapeldunorde

Tolosaldeko Ataria 2018ko ots. 27a, 12:41

Euskal Herriko X. Mus Txapelketako Gipuzkoako finalak 105 bikote bildu zituen asteburuan, Bergaran. Tolosaldeko bederatzik Euskal Herriko finala jokatzeko txartela eskuratu dute.

Euskal Herriko X. Mus Txapelketako sei herrialdetako finalak jokatu dira asteburuan, eta Joseba Azkarate eta Claudio Cabrera antzuolarrek irabazi dute Gipuzkoako txapelketa.

Estua izan zen finala, maila altuko aurkariak izan baitzituzten: Unai Ibartzabal –pasa den urtean Gipuzkoako txapeldun– eta Beñat Sainz anoetarrak.

Nafarroa Behereko finala asteburu honetan jokatu dute, eta horrekin batera, erabakita geratuko dira zazpi herrialdeetatik zein bikotek jokatuko duten martxoaren 10ean Uztaritzen jokatuko den final nazionala. Txapeldunorde izandako Ibartzabal eta Sainz anoetarrez gain, eskualdeko beste zortzi bikote izango dira bertan: Iban Amundarain eta Lontxo Goikoetxea (Leaburu-Txarama); Urko Arizeta eta Julen Aizpuru (Asteasu); Eneko Zabala eta Ekaitz Otegi (Aduna); Juan Migel Loidi eta Lurdes Tolosa (Alegia); Aitor Murua eta Beñat Beloki (Altzo); Unai Bengoeta eta Igor Olano (Anoeta); Joxe Mari Beldarrain eta Julian Blanco (Tolosa); eta Eñaut Zelarain eta Ander Jauregi (Amasa-Villabona).

Argazki gehiago Euskal Herriko Mus Federazioaren webgunean

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!