Milaka erretirodunek eta pentsiodunek beren haserrea plazaratu dute, Espainiako Gobernuak pertsioei beste behin ere %0,25eko igoera minimoa aplikatu izangatik. Pentsioen igoera KPI kontsumo-prezioen indizeari egokitzeko eskatzen dute. Horrez gain, igoera Espainiako Estatuko aurrekontu orokorretan sartzeko eta Konstituzioak pentsioak oinarrizko eskubide gisa babesteko ere eskatu dute.
Tolosa eta Ibarratik, esaterako, lau autobus bete dituzte Donostiara joateko. Ordezkari politikoak ere izan dira Gipuzkoako hiriburuan, Amasa-Villabonako EH Bildukoak kasu, Twitter bidez jakinarazi dutenez.
Gaur goizean Donostian gaude milaka pentsiodunekin batera estatuaren pentsio-politikaren aurkako protestan. Eta baita 1.080 euroko gutxieneko pentsioaren eta euskal pentsio sistema publiko baten aldeko aldarrikapena egiten ere. #PentsioDuinak #PensionesDignas pic.twitter.com/x50BHPa15h
— EHBildu Amasa-Villab (@ehbilduAmasaVil) 22 de febrero de 2018
