Martxan da XXI. Aiztondo Pilota Topaketa. Beste urte batez, Aiztondo bailara osatzen duten Aduna, Alkiza, Asteasu, Larraul, Amasa-Villabona eta Zizurkilgo 125 pilotarik hartuko dute parte topaketan. Aipatu herrietako pilota eragileek antolatutako topaketa da hau, Aiztondo Mankomunitateak eta 6 herri hauetako udalen babesarekin.
Topaketa, 6 maila eta era ezberdinetan jokatuko da: eskuz eta palaz. Eskuari dagokionez, aurrebenjaminek, igandetan goizeko 10:00etan jokatuko dute Alkizako frontoian. Benjaminek otsailaren 23an hasiko dute topaketa. Villabonan eta Adunan ostiraletan jokatuko dute, 18:00etatik aurrera. Alebinek, Zizurkilen izango dute hitzordua, ostiral arratsaldetan otsailaren 23tik aurrera. Infantilen partidak, berriz, ostegunetan izango dira, Alkizan.
Palari eta neskei dagokienez, alebin eta infantil-kadete mailetan jokatuko dute. Neskek Asteasun jokatuko dute eta partidak larunbat arratsaldetan jokatuko dituzte, otsailak 17an hasita.
Topaketaren finalak Asteasun jokatuko dira, apirilaren 28an, arratsaldeko 16:00etatik aurrera.