Txikienen jaiak ez du etenik

Eskualdeko ikastetxe gehienetan Ostegun Gizenarekin ospatu dituzte inauterietako jaialdiak, bai Tolosan eta baita gainontzeko herrietan ere. Amezketako Zumadi ikastetxean eta Ikaztegietako Herri Eskolan ere atzo mozorrotu ziren eta noski, txorizo pintxoek ere ez zuten hutsik egin.

Herri batzuetan hala ere, gaurko utzi dute egitekoa; Zizurkilen, Adunan, Alkizan eta Asteasun, esaterako. 15:00etatik aurrera egingo dituzte jaialdiak.