Bakearen eta presoen eskubideen aldeko manifestazioa izan zen larunbatean Parisen. Tolosaldeko herritar askok hartu zuten parte bertan, Bakea Euskal Herrian: Orain presoak lelopean.
Autobusez edo trenez, eskualdeko herritar ugari izan zen larunbatean, Parisen. Euskal presoen gaian urratsak egiteko eskaera Frantziako hiriburura eraman zuten; 11.000 herritar bildu ziren.
Euskal Herrian bake «justu eta iraunkor» bat eratzeko gatazkaren ondorioak konpontzea ezinbestekoa dela azpimarratu zuten, Frantziako eta Espainiako gobernuek urratsak egin ditzatela irmo eskatuz.
Herritarrek bidalitako argazkiak:
Askatasun Taupadak erabiltzaileak Pariseko irudiekin egindako bideoa:
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!