Gazteak Kalean ekimena bi auziri aurre egiteko sortu zen. Ezpalako gaztetxearen desalojoaren harira bi gazte auziperatu zituzten, eta Intxurreko auzian hiru gazte. Sei hilabeteko espetxe zigorra, 37.000 euroko kalte-ordaina eta bi urteko galarazpena ezarri zieten azken horiei.
Ibail Julian egitasmoko kideak gogoratu duenez, "bi auzietan inputatutako bost gazteak ez dituzte espetxeratu, baina ezin dugu ahaztu zigor ekonomiko handiak jaso ditugula".
Hilabete hauetan jasotako elkartasuna "eskertzeko" antolatu dute gaurko eguna; goizean eztabaida egin dute eta bazkariaren ondoren, Tolosako Gazte Asanbldako bertso taldeko hainbat kidek bertsoak botako dituzte.
Ondoren, Erein taldeak kontzertua eskainiko du, eta 18:00etatik aurrera, Gaztetxean izango da festa: Altxa Gudari, Bedeinkatuak, Sofokaos, Bake Faltsua edo Herdoil taldeen kontzertuak izango dira.
