Iraitz Arrospidek Donostiako Maratoi Erdia irabazi du. Igandean jokatu zen lasterketa, maratoiarekin batera, eta billabonatarra helmugan nagusi izan zen, 1.05.35-eko denborarekin. Arrospidek Behobia-Donostia hirugarren postuan amaitu zuen, eta bolada horri jarraipena eman dio maratoi erdian. Aipatzekoa, lasterketa maratoiko afrikarrekin egin zuela billabonatarrak.
Maratoia
Batzuk erdia egiten zuten bitartean, besteak maratoiko distantzia korritu zuten lasterketa berean. Oiana Ortiz izan zen horietako bat, eta Tolosa CF-eko atletak Gipuzkoako bigarren postua lortu zuen, 3.03.09-ko marka pertsonala eginaz. Lorpen horrek podiumera eraman zuen tolosarra.
