Azaroan sektoreka banatutako borroka asteak egiten ari dira. Aste honetan sukalde eta garbiketako langileen txanda izan da, eta datorren astean heziketa berezikoak ariko dira protestan. Borroka aste horietan, ostegunetan, greba egiten dute. Azaroko azken astean irakasleen mobilizazioak izango dira.
ELA, LAB eta Steilas sindikatuek deituta ari dira protestan Gipuzkoa, Araba eta Bizkaiko hezkuntza publikoan. Hainbat eskaera egin dizkiote Eusko Jaurlaritzari eta oraindik ez dute erantzun positiborik jaso. Besteak beste, hezkuntzara bideratutako inbertsioa handitzeko eskatzen diote, izan ere, Unescok aurrekontuaren %6ko inbertsioa proposatzen du eta Eusko Jaurlaritzak %3,7 besterik ez du bideratzen hezkuntza publikora. Langileen behin-behinekotasunak ere kezka sortzen dio hezkuntza komunitateari, %6ra murriztea eskatzen dute, gaur egun %40koa baita. Era berean, LOMCE eta Heziberri proiektuak bertan behera utzi eta hezkuntza eredu propioarentzat araudia berria eskatzen dute.