Zutani elkartasun elkarteak Diru Sarrerak Bermatzeko Errentaren inguruan hitzaldi eta tailer zikloa antolatu du. Arantxa Iruretagoiena eta Ana Lopetegi elkarteko kideak dira eta beraiek azaldu dutenez, "asko hitz egiten da gaiaren inguruan eta galdera asko egiten ditugu. Batzuetan badakizkigu erantzunak, baina besteetan ez".
Hori horrela, "hausnarketa bultzatu nahi dugu boluntarioen artean eta baita herritarren artean ere, benetako errealitatea zein den ezagutuz".
Horrekin batera, eta adineko asko jasaten ari diren beharrez jabetuta, Tolosako Super Eko supermerkatuan janari bilketa egingo dute aste honetako ostegunean, ostiralean eta larunbatean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!