Bertsolari Txapelketa Nagusiko azken finalaurrekoa jokatuko da abenduaren 2an, Iruñean, eta bertan arituko dira Oihana Iguaran eta Aitor Mendiluze eskualdeko bertsolariak. Eskuratu nahi al dituzu bi sarrera? Har ezazu parte lehiaketan!
Iruñeko finalaurrekoko sarrerak lortzeko lehiaketak martxan jarraitzen du. Aurreko astean, Unai iturriagaren bertsoko azken hitza ezkutatzen genuen, eta "atarian" da erantzun zuzena. 15 lagunek asmatu duzue eta guztiok azaroaren amaieran egingo dugun zozketan sartuta zaudete jada.
Asmatu ez duzuenok bigarren aukera duzue aste honetan. Entzun Unai Mendizabalen bertsoa eta bidali erantzuna 673 06 11 32 telefono zenbakira, datorren asteazkeneko 20:00ak baino lehen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
