Gerra zibileko aztarnak arakatzen

Tolosaldeko Ataria 2017ko uzt. 10a, 11:00

Hamaiketakoan, Ataria irratian, Aiztondo bailaran eta Anoetaldean bildutako albisteak jaso ditugu. Aurreko astelehenean Aduna, Asteasu eta Zizurkilgo udalerriek bultzatu eta Aranzadi zientzia elkarteak antolatzen dituen auzolandegiak jarri ziren martxan. Gerra Zibilean, tropa kolpistei aurre egiteko hiru herrietako mendietan eraiki zen erresistentzia frontea ikertzen jardungo dute. Auzolandegietako koordinatzaile Manex Arrastoa zizurkildarrarekin izan gara eta bide batez, auzolandegien barruan hitzaldia eskainiko duen Esti Amenabarro historiagilearekin. Horrekin batera, festa parekideagoak lortu eta eraso sexistak ekiditeko protokoloa osatzeko Anoetan eta Zizurkilen burutzen ari diren parte hartze prozesuak eta raketisten inguruan Asteasun osatu duten erakusketa ere aipatu ditugu.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!