Aiztondo bailaran eta Anoetaldean bildutako uztarekin osatu dugu gaurko Hamaiketakoa. Besteak beste, aurreko asteazkenean Anoetan 'Neskatoak' dokumentala eskaini zuen Jon Abrilekin izan gara eta Amina Chaairi Marokon jaiotako artistarekin hitz egin dugu. Asteasuko San Pedroei begira jarri eta Aiztondoko X. Gutun lehiaketan, helduen kategorian bigarren saria eskuratu zuen 'Soinekoa' ipuina entzun dugu, Ainhoa Elizondo egilearen ahotsean. Euskal Herriko Antzerkizale Elkarteak, Xenpelar Dokumentazio Zentroarekin eta Mintzola ahozko lantegiarekin batera landu duen gaia ere hizpide izan dugu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!