Murrizketa asko egon dira, baina, borrokatuta, gutxiengoak lor daitezkeela uste dute Tolosaldean sortu berri den Duintasuna elkarteko kideek. Maria Luisa Lizartza, Jabi Arroyo eta Iñaki Elduaien izan dira Ataria irratian, eta erretirodun eta pentsiodunen bizi kalitatea duina izateko hutsune asko bete behar direla azaldu dute.
"Herritarrek konturatu behar dute egiten ditugun eskaerak lortu daitezkeela, borroka pixka bat eginez gero", esan dute. Hala, bizitza duin baten eskubidea aldarrikatzen dute, gutxieneko pentsioa 1.080 euro izan dadila, %8ko igoera aplikatu dadila, fiskalitatea progresiboa izatea edota pentsioen eskumena jaurlaritzak izatea. Gaur, 18:00etan Bizkaiko Duintasuna elkarteko kide bat izango da Tolosako kultur etxean pentsioen inguruan hitz egiten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!