"Merezi izan du egindako lanak"

Azken hilabeteetan lanean jardun ostean, Galtzaundi Euskara Taldetik bultzatutako 'Arnastu euskara' lipdub-a arrakastaz gauzatu zen larunbatean, giro ederrean, eta herritar ugariren parte hartzearekin. Galtzaundiko kide Imanol Artolak azaldu duenez, mezu ugari jaso dituzte zorionduz, eta "horien arabera jendea oso pozik geratu da". 54 elkarte, talde eta eragilek hartu zuten parte, norbanako ugarirekin batera, eta bideoa sarean zintzilikatu eta 24 ordura, 12.000 ikustaldi izan ditu.