200 txirrindularitik gora, eta 25 talde inguru bertaratu dira, gaur, Aiztondo bailarara. Arrazoia, bat eta bakarra izan da: XIII. Emakumeen Aiztondo Sari Nagusian parte hartzea. Gipuzkoako txapelketarako, Euskaldun txapelketarako nahiz Espainiako koparako lasterketa puntuagarriak izan dira eta, horrenbestez, kategoria guztientzako hitzordu garrantzitsua izan da larunbat arratsaldekoa. Lanak amaituta, kategoria gorenean, Bizkaia-Durango taldeko Lorena Lamas suertatu da txapeldun.
Kadete, junior eta elitek mailak aritu dira, eta parte hartzaileen artean txirrindulari profesionalak ere baziren. Besteak beste, Leire Olaberria, Anna Sanchis eta Ane Santesteban.