Ahozkotasunaren jaialdiak 10. urtea du aurten, eta Tolosan, Ordizian, Albizturren eta Irunen emanaldiak izango dira martxoaren 25era bitarte. Urteurren borobila du ekimenak eta egitarauan islatuta utzi dute, hainbat berrikuntza baititu, Euskal narratzaileen topaketa edota urrezko kalabazaren saria, kasu.
"Jaialdi aberatsa izaten saiatu gara, eta 8 artista atzerritik etorriko dira, eta bertakoak beste 18 izango dira, beraz, ohi bezela aniztasuna izango da nagusi", azaldu du Gorostiagak.
Kontatzen ez diren istorioak berreskuratzeko ahozkotasuna oso garrantzitsua dela dio May Gorostiagak, eta alde horretatik, aiton-amonekin egon eta entzutea beharrezko ikusten du: "Egon gaitezen beraiekin, entzun dezagun kontatzeko dutena, eta gogoratu ditzagun euren pasadizoak, eta umeei ere istorioak kontatzen utzi behar diegu".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!